தமிழ் சினிமாவில் முன்னணி நடிகராக வலம் வருபவர் சூர்யா. இவரது நடிப்பில் தற்போது சிறுத்தை சிவா இயக்கத்தில் கங்குவா என்ற திரைப்படம் உருவாகி வருகிறது.
இந்த படத்தை தொடர்ந்து நடிகர் சூர்யா வாடிவாசல் படத்தில் நடிப்பார் என எதிர் பார்க்கப்பட்ட நிலையில் வெற்றிமாறன் விடுதலை 2 படத்தில் கவனம் செலுத்தி வருவதால் வாடிவாசல் தள்ளி போவதாக தகவல் வெளியானது.
மேலும் சமீபத்தில் நடிகர் சூர்யா மும்பைக்கு குடியேறிய நிலையில் தற்போது நேரடி இந்தி படத்தில் நடிக்க இருப்பதாக தகவல் வெளியாகியுள்ளது.
ராகேஷ் ஓம்பிரகாஷ் மெக்ரா இயக்கத்தில் பாலிவுட் சினிமாவில் மகாபாரதத்தை மையமாகக் கொண்டு உருவாக உள்ள படத்தில் கர்ணன் கதாபாத்திரத்தில் நடிகர் சூர்யா நடிக்க உள்ளதாக தகவல் வெளியாகி உள்ளது. மேலும் இந்த படத்திற்கு கர்ணா என தலைப்பு வைத்திருப்பதாகவும் தகவல்கள் தெரிவிக்கின்றன.
விரைவில் இந்த படம் பற்றிய அதிகாரப்பூர்வ அறிவிப்பு வெளியாகும் என தகவல்கள் வெளியாகி உள்ளன.
