கார்த்தி நடிப்பில் வெளியான படத்தில் குழந்தை நட்சத்திரமாக நடித்துள்ளார் கீர்த்தி ஷெட்டி.
தெலுங்கு திரையுலகில் வெளியான உப்பசனா என்ற படத்தில் நாயகியாக நடித்து பிரபலமானவர் கீர்த்தி ஷெட்டி. இந்தப் படத்தைத் தொடர்ந்து தற்போது நடிகர் சூர்யாவுக்கு ஜோடியாக பாலா இயக்கத்தில் உருவாகி வரும் படத்தில் நடித்து வருகிறார்.
இந்த நிலையில் கீர்த்தி ஷெட்டி கார்த்தி நடிப்பில் வெளியான நான் மகான் அல்ல படத்தில் குழந்தை நட்சத்திரமாக நடித்துள்ளார் என புகைப்படம் ஒன்று இணையத்தில் வைரலாகி கொண்டிருக்கிறது.
சுசீந்திரன் இயக்கத்தில் வெளியான இந்தப் படத்தில் கார்த்தி, காஜல் அகர்வால் என பல்வேறு திரையுலக பிரபலங்கள் இணைந்து நடித்திருந்தனர். மிகப்பெரிய வெற்றியைப் பெற்ற இந்த படத்தில் ஒரு காட்சியில் குழந்தை என்று தன்னுடைய அம்மாவின் கையை பிடித்துக் கொண்டிருப்பது போன்று இருக்கும்.
அந்த காட்சியில் இடம்பெறும் குழந்தை கீர்த்தி ஷெட்டி போலவே முக ஜாடையில் இருக்கிறது. இதனால் அது கீர்த்தி ஷெட்டி தான் என ரசிகர்கள் சமூக வலைதளங்களில் ஷேர் செய்து வருகின்றனர். ஆனால் உண்மையில் அது கீர்த்தி ஷெட்டி தானா என்பது உறுதியாக தெரியவில்லை.