தமிழ் சினிமாவில் முன்னணி நடிகராக வலம் வருபவர் அஜித் குமார். இவரது நடிப்பில் வெளியாகி ரசிகர்கள் மத்தியில் மிகப்பெரிய வரவேற்பு பெற்ற வலிமை படத்தை தொடர்ந்து மீண்டும் வினோத் இயக்கத்தில் உருவாகி வரும் ஏகே 61 வது படத்தில் நடித்து வருகிறார். போனி கபூர் தயாரிக்கும் இந்த படத்தில் அஜித்துக்கு ஜோடியாக மஞ்சு வாரியர் நடிக்க பல முன்னணி நடிகர் நடிகைகள் முக்கிய கதாபாத்திரங்களில் நடித்து வருகின்றனர்.
இந்நிலையில் இப்படத்தை தொடர்ந்து நடிகர் அஜித்குமார் அடுத்ததாக விக்னேஷ் சிவன் இயக்கத்தில் நடிக்கப் போவதாக தகவல்கள் வெளியாகி உள்ள நிலையில் தற்போது அப்படத்தின் படப்பிடிப்பு தொடக்கம் குறித்த தகவல் வெளியாகி உள்ளது.
அதன்படி விக்னேஷ் சிவன் இயக்கத்தில் அஜித் நடிக்க இருக்கும் AK62 திரைப்படத்தின் படப்பிடிப்பு அடுத்த ஆண்டு ஜனவரி மாதம் தொடங்க உள்ளதாகவும் அப்படம் அந்த வருடத்தின் தீபாவளி பண்டிகை அன்று வெளியாகும் என்று தெரியவந்துள்ளது. மேலும் அப்படத்தின் பிரீ ப்ரொடக்ஷன் பணிகள் ஆரம்பித்து விட்டதாகவும் கூறப்படுகிறது. இந்நிலையில் நடிகர் அஜித் இப்படத்தின் தயாரிப்பாளரான லைக்கா நிறுவன தலைவர் சுபாஸ்கரனை நேரில் சந்தித்துள்ளார். அதற்கான புகைப்படம் சமூக வலைதளங்களில் வைரலாகி வருகிறது.
