Tamilstar
News Tamil News சினிமா செய்திகள்

அல்லு அர்ஜுன் படத்தில் அஞ்சலி?

Anjali in Allu Arjun movie

மலையாளத்தில் கடந்த ஏப்ரல் மாதம் வெளியான படம் ‘நயாட்டு’. அரசியல் திரில்லர் படமான இதில் குஞ்சக்கோ போபன், ஜோஜு ஜார்ஜ், நிமிஷா விஜயன் ஆகியோர் நடித்திருந்தனர். விமர்சன ரீதியாக அமோக வரவேற்பை பெற்ற இப்படத்தை தற்போது பிற மொழிகளிலும் ரீமேக் செய்ய உள்ளனர்.

அதன்படி இப்படத்தின் தெலுங்கு ரீமேக் உரிமையை நடிகர் அல்லு அர்ஜுன் கைப்பற்றி உள்ளார். இப்படத்தில் நடிகை அஞ்சலி ஹீரோயினாக நடிக்க ஒப்பந்தமாகி உள்ளதாக தகவல் வெளியாகி உள்ளது. மேலும் சத்யதேவ் ஹீரோவாக நடிக்க உள்ளதாக கூறப்படுகிறது. இப்படத்தை இயக்க கவுதம் மேனன் மற்றும் சுதீர் வர்மாவிடம் பேச்சுவார்த்தை நடைபெற்று வருகிறதாம்.

நடிகர் அல்லு அர்ஜுன் தற்போது சுகுமார் இயக்கத்தில் உருவாகும் புஷ்பா படத்தில் நடித்து வருகிறார். இப்படம் இரண்டு பாகங்களாக தயாராகி வருகிறது. இப்படத்தை வருகிற டிசம்பர் மாதம் கிறிஸ்துமஸ் பண்டிகையையொட்டி வெளியிட திட்டமிட்டு உள்ளனர்.