தமிழ் திரை உலகில் பிரபல காமெடி நட்சத்திரங்களில் ஒருவராக திகழ்பவர்தான் நடிகர் சூரி. வெண்ணிலா கபடி குழுவில் பரோட்டா காமெடியால் பிரபலமான இவர் பரோட்டா சூரி என்று ரசிகர்களால் அன்போடு அழைக்கப்பட்டார். அதனைத் தொடர்ந்து பல முன்னணி நட்சத்திரங்களுடன் இணைந்து பல படங்களில் காமெடியில் கலக்கி வருகிறார்.
அதுமட்டுமின்றி தற்போது முதல்முறையாக வெற்றிமாறன் இயக்கத்தில் உருவாகும் “விடுதலை” திரைப்படத்தில் கதாநாயகனாக நடித்து வருகிறார். இந்நிலையில் ஆகஸ்ட் 27 ஆன இன்று நடிகர் சூரி தனது 45 ஆவது பிறந்த நாளை கொண்டாடி வருகிறார். அதனால் இவருக்கு திரை பிரபலங்கள் மற்றும் ரசிகர்கள் தங்களது வாழ்த்துக்களை சமூக வலைதள பக்கத்தில் பகிர்ந்து வருகின்றனர்.
இதனால் மகிழ்ச்சி அடைந்த சூரியன் அனைவருக்கும் நன்றி தெரிவித்து தனது ட்விட்டர் பக்கத்தில் விடுதலை படத்தில் இருக்கும் கெட்டப்பில் எடுக்கப்பட்ட வீடியோ ஒன்றை பகிர்ந்து நன்றி தெரிவித்திருக்கிறார். அது தற்போது இணையத்தில் வைரலாகி வருகிறது.
Thank you for your wishes ❤❤🎊#HappyBirthdaySoori pic.twitter.com/yaBjUS8z73
— Actor Soori (@sooriofficial) August 27, 2021