Tamilstar
Uncategorized

காதலர் தினத்தை டார்கெட் செய்யும் தனுஷ்

Dhanush targeting Valentine's Day

கார்த்திக் சுப்புராஜ் இயக்கத்தில் தனுஷ் நடித்துள்ள படம் ஜகமே தந்திரம். இந்த படத்தில் தனுஷுக்கு ஜோடியாக ஐஸ்வர்யா லட்சுமி மற்றும் சஞ்சனா நடராஜன் ஆகியோர் நடித்துள்ளனர். இந்த படத்தில் பிரபல ஹாலிவுட் நடிகர் ஜேம்ஸ் காஸ்மோ முக்கிய கதாபாத்திரத்தில் நடித்துள்ளார்.

ஸ்ரேயாஸ் கிருஷ்ணா ஒளிப்பதிவு செய்துள்ள இப்படத்திற்கு சந்தோஷ் நாராயணன் இசையமைத்துள்ளார். இப்படத்தின் படப்பிடிப்பு முடிந்து கிட்டத்தட்ட ஓராண்டு ஆகிறது. கடந்தாண்டு மே 1-ம் தேதி, இப்படம் ரிலீசாவதாக இருந்தது. கொரோனா லாக்டவுன் காரணமாக படத்தின் ரிலீஸ் தள்ளி வைக்கப்பட்டது.

இந்நிலையில், இப்படத்தை வருகிற பிப்ரவரி மாதம் காதலர் தினத்தையொட்டி திரையரங்குகளில் ரிலீஸ் செய்ய படக்குழு திட்டமிட்டுள்ளதாக கூறப்படுகிறது. இதுகுறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.