Tamilstar
News Tamil News சினிமா செய்திகள்

கேப்டன் விஜயகாந்தின் உடல்நிலை நிலவரம் என்ன?? மருத்துவமனை நிர்வாகம் வெளியிட்ட அறிக்கை

தமிழ் சினிமாவின் பிரபல நடிகராகவும் அரசியல் தலைவராக வலம் வருபவர் கேப்டன் விஜயகாந்த். இவர் கடந்த வாரம் வழக்கமான சிகிச்சைக்காக சென்னையில் உள்ள தனியார் மருத்துவமனைக்கு சென்றபோது அவருக்கு கொரோனா பாதிப்பு இருப்பது கண்டறியப்பட்டது.

இதனையடுத்து மருத்துவமனையில் அனுமதிக்கப்பட்டு சிகிச்சை பெற்ற விஜயகாந்த் சில தினங்களுக்கு முன்னர் டிஸ்சார்ஜ் செய்யப்பட்டார். இந்த நிலையில் நேற்று இரவு திடீரென ஏற்பட்ட உடல்நலக் குறைபாடு காரணமாக மீண்டும் அதே மருத்துவமனையில் அனுமதிக்கப்பட்டிருந்தார்.

தற்போது கேப்டன் விஜயகாந்த் அவர்களின் உடல்நிலை குறித்து மருத்துவமனை நிர்வாகம் அறிக்கை ஒன்றை வெளியிட்டுள்ளது.

அந்த அறிக்கையில் கேப்டன் விஜயகாந்த் உடல்நிலையில் நல்ல முன்னேற்றம் ஏற்பட்டு இருப்பதாகவும் ஓரிரு தினங்களில் அவர் டிஸ்சார்ஜ் செய்யப்படுவார் எனவும் தெரிவிக்கப்பட்டுள்ளது.

இதனால் கேப்டன் விஜயகாந்த் ரசிகர்கள் மற்றும் தேமுதிக தொண்டர்கள் நிம்மதி அடைந்துள்ளனர். விரைந்து அவர் பூரண குணம் பெற்று வீடு திரும்ப வேண்டும் என இறைவனை பிரார்த்தனை செய்து வருகின்றனர்.