இந்திய திரை உலகில் தவிர்க்க முடியாத உச்ச நட்சத்திரமாக திகழ்ந்து கொண்டிருப்பவர் நடிகர் கமல்ஹாசன். இவர் விக்ரம் திரைப்படத்தின் மாபெரும் வரவேற்பை தொடர்ந்து பலத்த எதிர்பார்ப்புகளுக்கு மத்தியில் இயக்குனர் ஷங்கர் இயக்கத்தில் உருவாகி வரும் “இந்தியன் 2” திரைப்படத்தில் நடித்து வருகிறார்.
அனிருத் இசையமைப்பில் லைக்கா மற்றும் ரெட் ஜெயன்ட் நிறுவனம் இணைந்து தயாரிக்கும் இப்படத்தில் நடிகர் கமல்ஹாசன் உடன் இணைந்து காஜல் அகர்வால், பாபி சிம்ஹா, விவேக், பிரியா பவானி சங்கர், சித்தார்த் உள்ளிட்ட பல முன்னணி பிரபலங்கள் முக்கிய வேடங்களில் நடித்து வருகின்றனர்.
தரமான ஆக்ஷன் காட்சிகளுடன் உருவாகி இருக்கும் இப்படத்தின் இறுதி கட்ட படப்பிடிப்பு தற்போது சென்னையில் தீவிரமாக நடைபெற்று வரும் நிலையில் இப்படத்தில் இதுவரை நடித்திருக்கும் காட்சிகளுக்கான டப்பிங் பணியை நடிகர் கமல்ஹாசன் நிறைவு செய்திருப்பதாக புதிய தகவல் வெளியாகி உள்ளது. மேலும் மற்ற நடிகர்களின் டப்பிங் பணிகளும் விறுவிறுப்பாக நடைபெற்று வருவதாக கூறப்படுகிறது.
