தென்னிந்திய திரை உலகில் பிரபல முன்னணி நடிகராக விளங்கி வருபவர் நடிகர் சூர்யா. இவர் தற்போது சிறுத்தை சிவா இயக்கத்தில் பிரம்மாண்ட தொழில்நுட்பத்துடன் 10 மொழிகளில் வெளியாக இருக்கும் கங்குவா திரைப்படத்தில் நடித்து வருகிறார். ஸ்டூடியோ கிரீன் நிறுவனம் தயாரிப்பில் தேவி ஸ்ரீ பிரசாத் இசையமைப்பில் உருவாகி வரும் இப்படத்தில் சூர்யாவுக்கு ஜோடியாக பாலிவுட் நடிகை திஷா பதானி நடிக்க பல முன்னணி நட்சத்திரங்கள் முக்கியமான கதாபாத்திரத்தில் நடித்து வருகின்றனர்.
இப்படத்தின் படப்பிடிப்பு பணிகள் தீவிரமாக நடைபெற்று வரும் நிலையில் தற்போது படத்தின் சூட்டிங் கொடைக்கானலில் நடத்தப்பட்டு வருவதாக தகவல் சமீபத்தில் வெளியானது. இந்நிலையில் கங்குவா படப்பிடிப்பு கொடைக்கானல் அருகே உள்ள தாண்டிக்குடியில் அடர்ந்த காடுகளில் நடத்தப்பட்டு வருவதாகவும் இதன் சூட்டிங் மே மாதம் மத்தியில் நிறைவடையவுள்ளதாக லேட்டஸ்ட்டான தகவல்கள் வெளியாகி உள்ளது.