தமிழ் சினிமாவில் மாபெரும் உச்ச நட்சத்திரமாக விளங்கி வருபவர் நடிகர் சூர்யா. இவர் தற்போது சிறுத்தை சிவா இயக்கத்தில் மாபெரும் எதிர்பார்ப்புகளுக்கு மத்தியில் உருவாகி வரும் “கங்குவா” திரைப்படத்தில் நடித்து வருகிறார்.
ஸ்டுடியோ கிரீன் மற்றும் யுவி கிரியேஷன் நிறுவனம் தயாரிப்பில் உருவாகி வரும் இப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடித்து வருகின்றனர்.
தேவி ஸ்ரீ பிரசாத் இசையமைப்பில் சரித்திர படமாக தயாராகி வரும் இப்படம் 3d தொழில்நுட்பத்துடன் 10 மொழிகளில் வெளியாக உள்ளது. சமீபத்தில் இப்படத்தின் டைட்டில் மோஷன் போஸ்டர் வெளியாகி ரசிகர்கள் மத்தியில் நல்ல வரவேற்பை பெற்று வைரலாகி வந்த நிலையில் தற்போது இப்படத்தில் இணைந்திருக்கும் புதிய கதாபாத்திரம் குறித்த தகவல் வெளியாகி வைரலாகி வருகிறது. அதன்படி இதில் கேஜிஎஃப் படத்தில் நடித்த பி.எஸ்.அவினாஷ் இணைந்திருப்பதாக கூறப்படுகிறது.
