கோலிவுட் திரையுலகில் தவிர்க்க முடியாத பிரபல முன்னணி இயக்குனராக உயர்ந்து வருபவர் லோகேஷ் கனகராஜ். இவர் தற்போது தளபதி விஜய் நடிப்பில் உருவாகி வரும் லியோ திரைப்படத்தை இயக்கி வருகிறார். இப்படத்தின் படப்பிடிப்பு பணிகள் தற்போது சென்னையில் தீவிரமாக நடைபெற்று வருகிறது. இதற்கிடையில் லோகேஷ் கனகராஜ் பிரபல இயக்குனர் தங்கர் பச்சன் இயக்கத்தில் யோகி பாபு நடிப்பில் உருவாகி இருக்கும் “கருமேகங்கள் கலைகின்றன” படத்தின் இசை வெளியீட்டு விழாவில் சிறப்பு விருந்தினராக பங்கேற்றுள்ளார்.
அப்போது இயக்குனர் தங்கர்பச்சான் இயக்குனர் லோகேஷ் கனகராஜுக்கு பலாப்பழமும், முந்திரி பருப்பையும் பரிசாக வழங்கியுள்ளார். மேலும் அது தனது தோட்டத்தில் விளைந்தது என்றும், இந்திய சினிமாவை திரும்ப பார்க்கக்கூடிய இயக்குனராக லோகேஷ் இருக்கிறார் என்றும் அது நமது அனைவருக்கும் பெருமை என்றும் பாராட்டியுள்ளார். அதன் புகைப்படங்கள் மற்றும் வீடியோ சமூக வலைதள பக்கங்களில் ரசிகர்களால் பகிரப்பட்டு வைரலாகி வருகிறது.
