தமிழகத்தில் கொரோனா பரவல் காரணமாக கடந்தாண்டு மார்ச் மாதம் மூடப்பட்ட திரையரங்குகள், 50 சதவீத இருக்கைகள் அனுமதியுடன் நவம்பர் மாதமே மீண்டும் திறக்கப்பட்டாலும், பெரிய படங்கள் எதுவும் ரிலீசாகாததால் களையிழந்து காணப்பட்டன.
அதற்கு புத்துயிர் கொடுக்கும் வகையில் பொங்கலுக்கு ரிலீசான படம் தான் மாஸ்டர். லோகேஷ் கனகராஜ் இயக்கத்தில் விஜய் நடித்திருந்த இப்படம் உலகம் முழுவதும் வெளியாகி மாபெரும் வரவேற்பை பெற்று வருகிறது.
வசூலையும் வாரிக் குவித்து வருகிறது. அதன்படி 10 நாட்களில் இப்படம் உலகளவில் 200 கோடி வசூல் செய்துள்ளதாக கூறப்படுகிறது. 50 சதவீத இருக்கைகளுக்கு மட்டுமே அனுமதி அளிக்கப்பட்டுள்ள நிலையில், மாஸ்டர் படத்தின் வசூல் திரையுலகினர் பலருக்கும் பிரம்மிப்பை ஏற்படுத்தி உள்ளது.
ஏற்கனவே விஜய் நடித்த மெர்சல், சர்கார், பிகில் போன்ற படங்கள் 200 கோடி வசூல் செய்த நிலையில், தற்போது மாஸ்டர் படமும் அந்த சாதனையை நிகழ்த்தி உள்ளது. இதனை கொண்டாடும் வகையில் #MasterEnters200CrClub என்ற ஹேஷ்டேக்கை விஜய் ரசிகர்கள் டுவிட்டரில் டிரெண்டாக்கி வருகின்றனர்.
After #Mersal #Sarkar #Bigil now 4th consecutive film of #ThalapathyVijay too breach the world wide gross 200cr mark ! Despite 50% occ & SOPs …a true KING of BO @actorvijay 👑💥💞#MasterEnters200CrClub
Celebrations are already onnnnn !!! 🎉🥳🎉🥳💐👏🏻💫 pic.twitter.com/sWAQyZV7MJ— Girish Johar (@girishjohar) January 22, 2021