Tamilstar
News Tamil News சினிமா செய்திகள்

ஆதிபுருஷ் படத்துக்காக உடல் எடையை அதிகரிக்கும் பிரபாஸ்

Prabhas gaining weight for Adipurush movie

நடிகர் பிரபாஸின் 21-வது படம் ‘ஆதிபுருஷ்’. இப்படம் 3டி தொழில்நுட்பத்தில் தயாராகிறது. ராமாயணத்தின் ஒருபகுதியை மையமாக வைத்து இப்படம் உருவாகிறது. சுமார் 500 கோடி பட்ஜெட்டில் தயாராகும் இப்படத்தை ஓம் ராவத் இயக்குகிறார். ராமர் கதாபாத்திரத்தில் பிரபாஸ் நடிக்கிறார். சீதையாக கீர்த்தி சனோனும், ராவணனாக பிரபல பாலிவுட் நடிகர் சையிப் அலிகானும் நடிக்கின்றனர்.

இந்தி, தெலுங்கு மொழிகளில் தயாராகும் இந்த படத்தை தமிழ், மலையாளம், கன்னடம் உள்ளிட்ட மொழிகளிலும் டப் செய்து வெளியிடுகின்றனர்.

இந்நிலையில், இப்படத்திற்காக நடிகர் பிரபாஸ் உடல் எடையை அதிகரித்து வருவதாக பாலிவுட் நடிகர் சன்னி சிங் தெரிவித்துள்ளார். மேலும் அவர் கூறியதாவது: “நானும், பிரபாஸும் இந்தப் படத்திற்காக உடல் எடையை அதிகரிக்கவும், கைகளின் தசைகளை வலுவாக்கும் முயற்சியிலும் இறங்கி இருக்கிறோம்.

ஆனால் அதற்காக செயற்கையான மருந்துகளோ, ஊசிகளோ பயன்படுத்தாமல், இயற்கையான முறையிலேயே நாங்கள் பயிற்சி செய்து வருகிறோம்” என கூறியுள்ளார்.

நடிகர் சன்னி சிங், ஆதிபுருஷ் படத்தில் லக்‌ஷ்மண் கதாபாத்திரத்தில் நடித்து வருகிறார் என்பது குறிப்பிடத்தக்கது.