தமிழ் சினிமாவில் முன்னணி நடிகராக வலம் வருபவர் சூர்யா. இவரது நடிப்பில் வெளியான ஜெய் பீம் படத்தை தொடர்ந்து சிறுத்தை சிவா இயக்கத்தில் 3டி தொழில்நுட்பத்தில் உருவாகி உள்ள கங்குவா படத்தில் நடித்துள்ளார்.
இந்த படம் வரும் ஜூன் மாதத்தில் வெளியாக உள்ளது. இதனை தொடர்ந்து சுதா கொங்கராவின் இயக்கத்தில் புறநானூறு என்ற படத்தில் நடிக்கிறார்.
ஜிவி பிரகாஷ் இசையமைக்க உள்ள இந்த படத்தினை சூர்யாவே தயாரிக்க உள்ளார். தற்போது இந்த படம் இந்த வருடம் நவம்பர் மாதம் அல்லது டிசம்பர் மாதத்தில் வெளியாகும் என ஜிவி பிரகாஷ் தெரிவித்துள்ளார்.
2024-ல் சூர்யா நடிப்பில் 2 திரைப்படங்கள் வெளியாக இருப்பதால் அவரது ரசிகர்கள் மகிழ்ச்சி அடைந்துள்ளனர்.
