கோச்சடையான் பட உரிமை விவகாரம்: லதா ரஜினிகாந்துக்கு சுப்ரீம் கோர்ட்டு நோட்டீஸ்!

Bookmark and Share

கோச்சடையான் பட உரிமை விவகாரம்: லதா ரஜினிகாந்துக்கு சுப்ரீம் கோர்ட்டு நோட்டீஸ்!

ரஜினிகாந்த் நடித்த ‘கோச்சடையான்’ படத்தின் வினியோக உரிமையில் 10 கோடி ரூபாய் மோசடி செய்துவிட்டதாக ‘ஆட் பீரோ அட்வர்டைசிங் நிறுவனத்தின் நிர்வாகி அபிர்சந்த் நாகர் என்பவர் கடந்த ஆண்டு செப்டம்பர் மாதம் பெங்களூரு மாநகர கோர்ட்டில் மனு தாக்கல் செய்தார்,

அந்த மனுவில், “கோச்சடையான் படத்தை மீடியா ஒன் குளோபல் என்டர்டெய்ன்மென்ட் லிமிடெட் நிறுவனம் தயாரித்தது. இதற்காக ஆட் பீரோ அட்வர்டைசிங் நிறுவனத்திடம் ரூ.6.84 கோடி கடன் பெற்றது. இதற்கு உத்திரவாத கையெழுத்து போட்ட லதா ரஜினிகாந்த் சில சொத்துக்களின் ஆவணங்களை தாக்கல் செய்தார். அவை போலியான ஆவணங்கள் என்று கண்டு பிடிக்கப்பட்டுள்ளது. எனவே அவர் மீது மோசடி வழக்கு பதிவு செய்ய வேண்டும்“ என்று கூறப்பட்டு இருந்தது.

இந்த மனுவை விசாரித்த பெங்களூரு மாநகர கோர்ட்டு, இது தொடர்பாக அல்சூட் கேட் போலீஸ் நிலையம் விசாரணை நடத்தி அறிக்கை தாக்கல் செய்ய வேண்டும் என்று உத்தரவிட்டது.

இதை எதிர்த்து லதா ரஜினிகாந்த் பெங்களூரு ஐகோர்ட்டில் மேல்முறையீட்டு மனு தாக்கல் செய்தார். இந்த வழக்கை விசாரித்த பெங்களூரு ஐகோர்ட்டு, ஆட் பீரோ அட்வர்டைசிங் நிறுவனம் லதா ரஜினிகாந்த் மீதான குற்றச்சாட்டை நிரூபிக்கும் வகையில் போதிய ஆதாரங்களை தாக்கல் செய்யவில்லை என்று கூறியதோடு, அவர் மீது மோசடி வழக்கு பதிவு செய்யுமாறு கீழ்க்கோர்ட்டு பிறப்பித்த உத்தரவை ரத்து செய்தது.

பெங்களூரு ஐகோர்ட்டின் இந்த தீர்ப்பை ரத்து செய்யக்கோரி ஆட் பீரோ அட்வர்டைசிங் நிறுவனத்தின் சார்பில் சுப்ரீம் கோர்ட்டில் மேல் முறையீட்டு மனு தாக்கல் செய்யப்பட்டது. அதில், கோச்சடையான் பட உரிமையை தங்களுக்கு வழங்காமல் வேறு நிறுவனத்திற்கு வழங்கி ஏமாற்றியதாகவும், எனவே லதா ரஜினிகாந்த் மீது முதல் தகவல் அறிக்கை பதிவு செய்ய உத்தரவிடவேண்டும் என்றும் கூறப்பட்டு உள்ளது.

இந்த மனு நேற்று சுப்ரீம் கோர்ட்டில் நீதிபதிகள் ரஞ்ஜன் கோகோய், பிரபுல்ல சி.பந்த் ஆகியோர் அடங்கிய அமர்வு முன்பு விசாரணைக்கு வந்தது. விசாரணை தொடங்கியதும், இந்த மேல்முறையீட்டு மனு குறித்து 4 வார காலத்துக்குள் விளக்கம் அளிக்குமாறு லதா ரஜினிகாந்துக்கு நோட்டீசு அனுப்ப நீதிபதிகள் உத்தரவிட்டனர்.


Post your comment





Related News
தர்பாரைத் தொடர்ந்து மீண்டும் இணையும் துப்பாக்கி கூட்டணி – சூப்பர் அப்டேட்!
தர்பாரில் ஏற்பட்ட அதிரடி மாற்றம் – ஏன் இந்த திடீர் முடிவு?
விஜய், ரஜினிக்கு பிறகு சூர்யாவுக்கு மட்டுமே நடந்த ஸ்பெஷல் - எத்தனை பேரு இதை கவனிச்சீங்க?
தர்பார் கதை குறித்த ரகசியத்தை வெளியிட்ட பிரபல நடிகர் – கடுப்பான படக்குழு!
தல, தளபதி, ரஜினி என கார்த்திக்கு இப்படியொரு ராசியா – இதை யாராவது கவனித்தீர்களா?
சூப்பர் ஸ்டார் இயக்குநருடன் இணையும் தளபதி வில்லன் – மாஸ் தகவல்!
தர்பார் டீமுக்கு டார்ச்சர் தரும் மும்பை வில்லன் – என்ன செய்ய போகிறார் முருகதாஸ்?
தர்பாரில் ரஜினியின் மகள் இவர்தான் – வெளிவந்த உறுதியான தகவல் இதோ!
தர்பாரில் ரஜினிக்கு வில்லன் யார் தெரியுமா? உறுதியான தகவல் இதோ!
தர்பாரில் இரட்டை வேடத்தில் ரஜினி – இதுவரை வெளிவராத தகவல் இதோ!








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions