இசையமைப்பாளர் ஆர்.டி. பர்மனின் பிறந்தநாளை கொண்டாடும் கூகுள்!

Bookmark and Share

 இசையமைப்பாளர் ஆர்.டி. பர்மனின் பிறந்தநாளை கொண்டாடும் கூகுள்!

மறைந்த இந்திப்பட இசையமைப்பாளர் ராகுல்தேவ் பர்மனின் 77-வது பிறந்தநாளை இணையதள தேடுபொறியான கூகுள் சிறப்பு டூடுளின் மூலம் இன்று கொண்டாடி வருகிறது.

இந்திப் படவுலகில் 1970-80 ஆண்டுவாக்கில் இசை சாம்ராஜ்ஜியம் நடத்திய ஆர்.டி.பர்மன் என்னும் ராகுல்தேவ் பர்மன் சுமார் 330 படங்களில் இசையமைத்து தனது காலத்தால் அழிக்க முடியாத திரைஇசை மெட்டுகளால் கோடானுக்கோடி இந்தியர்களின் இதயங்களில் நீங்காத இடம்பிடித்துள்ளார்.

தனித்துவம் மிக்க இவரது குரலும் ரசிகர்களை வெகுவாக கவர்ந்திழுத்தது. குறிப்பாக, இவரது குரலில் வெளியான ‘ஷோலே’ படத்தின் ‘மெஹபூபா ஓ மெஹபூபா’ பாடல் இந்தியாவின் பட்டித்தொட்டிகளில் வாழ்ந்த மக்கள்கூட கூத்தாட வைத்தது. இதேபோல், ‘ஹரே ராமா ஹரே கிருஷ்ணா’ படத்தில் இவரது இசையமைப்பில் இடம்பெற்ற ‘தம் மாரோ தம்’ பாடலுக்காகவே அப்படத்தின் இசைத்தட்டுகள் விற்பனையில் மகத்தான சாதனை படைத்தது

பிரபல இந்திப் பாடகி ஆஷா போஸ்லேவை திருமணம் செய்து, பின்னர் விவாக ரத்தான பர்மனின் இசையில் உருவாகி, முஹம்மது ரபி, கிஷோர் குமார், லதா மங்கேஷ்கர், ஆஷா போஸ்லே ஆகியோர் பாடிய பல பாடல்கள் சிரஞ்சீவித்தனமாக சுமார் ஐம்பது ஆண்டுகளாகியும் ரசிகர்களின் செவிகளிலும், நெஞ்சங்களிலும் இன்றும் நீங்காமல் ரீங்காரமிடுகிறது.

நடிகர் ராஜேஷ் கண்ணாவின் 40 படங்களுக்கு இசையமைத்த இவரை இந்திப்பட உலகினர் ‘பஞ்சம் டா’ என்று அன்புடன் அழைத்து மகிழ்ந்தனர். 4-1-1994 அன்று தனது 54-வது வயதில் மரணம் அடைந்த ஆர்.டி. பர்மனின் நினைவை போற்றும் வகையில் அவரது பிறந்தநாளான ஜுன் 27-ம் தேதியான இன்று அவரது புகைப்படம் கொண்ட ‘டூடுல்’ மூலம் ‘கூகுள்’ கொண்டாடி மகிழ்கிறது.


Post your comment





Related News
உச்சக்கட்ட கவர்ச்சியில் தமன்னா – வைரலாகும் வீடியோ!
ஒரு கை பார்க்கலாம்.. துணிந்து சிவகார்த்திகேயனோடு மோதும் விஜய் தேவரகொண்டா!
கிரிக்கெட் விளையாடியதால் விஜய் தேவரகொண்டாவுக்கு வந்த விபரீதம் – என்ன தெரியுமா?
இந்தியன் 2 படத்துக்கு முன் வேறொரு படத்தில் நடிக்கும் கமல் – வெளிவந்த சூப்பர் தகவல்!
சூப்பர் ஸ்டார் படத்தால் கடும் சிக்கலில் விஜய் தேவரகொண்டா – ஏன்னு அவரே சொன்ன பதில பாருங்க!
விஜய் தேவரகொண்டாவுடன் ஜாலியாக பார்டி செய்யும் ராஷ்மிகா – வைரலாகும் புகைப்படங்கள் உள்ளே!
மீண்டும் பிரபுதேவா இயக்கத்தில் சல்மான் கான்
பிரபல திரைப்பட இயக்குநர் மகேந்திரன் உடல்நலக்குறைவால் காலமானார்
அக்னி தேவி பட இயக்குநர் மீது நடிகர் பாபி சிம்ஹா போலீசில் புகார்
மோகன்லால், பிரபுதேவாவுக்கு பத்ம விருதுகள் - ஜனாதிபதி வழங்கினார்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions