ரஜினி பாட்டை ரசித்து பாடிய மோகன்லால்

Bookmark and Share

ரஜினி பாட்டை ரசித்து பாடிய மோகன்லால்

மலையாள சினிமாக்களில்அது மோகன்லால் அல்லது மம்முட்டி நடித்த படங்களாக இருந்தாலும் கூட, காட்சிக்கேற்றவாறு ரஜினி, கமல் இருவரின் பெயர்களை, படங்களை தங்களது சில படங்களில் பயன்படுத்துவார்கள்.
இது ஒரு வகையில் மலையாளத்தில் உள்ள தமிழ் ரசிகர்களை வசியப்படுத்தும் தந்திரம் தான் என்றாலும் அதிலும் யதார்த்தம் மீறாமல் அதை செய்வார்கள். சமீபத்தில் ரஞ்சித் இயக்கத்தில் மோகன்லால் நடிப்பில் வெளியா லோஹம் படத்திலும் இது நிகழ்ந்துள்ளது. படத்தில் காமெடி நடிகர் அஜு வர்கீஸ் ஆட்டோ ட்ரைவராக, மோகன்லாலுக்கு தெரிந்த நண்பராக நடித்துள்ளார்.
இவர் மோகன்லாலை பார்ப்பதற்காக தனது ஆட்டோவில் வந்து இறங்குவார். அப்போது மாடியில் இருந்த மோகன்லால் கீழே ஆட்டோவில் வந்திறங்கிய அஜுவை பார்த்து பாட்ஷா படத்தில் இடம்பெற்ற “நான்.. ஆட்டோகாரன்.. ஆட்டோகாரன்” பாடலின் சில வரிகளை ரசித்து பாடுவார்.. 
ஒரு சூப்பர்ஸ்டார் இன்னொரு சூப்பர்ஸ்டார் பாடலை பாடுவது என்பது அபூர்வமானதுதானே. தியேட்டரில் படம் பார்க்கும் ரசிகர்கள் இந்த இடத்தில் ஆரவாரம் செய்வதை கண்கூடாக பார்க்க முடிந்தது.
ரஜினி பாடல் மட்டுமல்ல, ஒருமுறை கார் ஓட்டிக்கொண்டு இருக்கும்போது, “என் பேரு மீனா குமாரி” என்கிற கந்தசாமி பட பாடலை சத்தமாக முணுமுணுக்க, பின்னால் அமர்ந்திருக்கும் ஆண்ட்ரியா முறைப்பதை பார்த்து சட்டென பாடுவதை நிறுத்திக்கொள்வார் மோகன்லால்.
இதேபோன்று பல வருடங்களுக்கு முன் வெளியான மம்முட்டி நடித்த மாயாவி என்கிற படத்தில் காமெடி நடிகரான சுராஜ், மம்முட்டியை பார்த்து, “யாருக்காவது எங்கேயாவது கஷ்டம் வந்துச்சுன்னா ஓடிப்போய் ஹெல்ப் பண்றதுக்கு நீ என்ன ரஜினிகாந்தா?”,என கிண்டல் பண்ணுவார். இதிலிருந்து கேரளாவையும் ரஜினி மாஸ் விட்டுவைக்கவில்லை என்பது தெரிகின்றது.


Post your comment





Related News
விசாகனை மணந்தார் சவுந்தர்யா - எடப்பாடி பழனிசாமி, கமல்ஹாசன் நேரில் வாழ்த்து
முருகதாஸ் படத்துக்கு ரஜினி 90 நாட்கள் கால்ஷீட்
மார்ச்சில் ஏ.ஆர்.முருகதாஸ் படத்தை தொடங்கும் ரஜினிகாந்த்
மகள் சவுந்தர்யா திருமணம் - போலீஸ் பாதுகாப்பு கேட்டு லதா ரஜினிகாந்த் மனு
ரஜினிகாந்த் நடிக்கும் புதிய படம் மார்ச்சில் படப்பிடிப்பு தொடங்குகிறது
ரஜினியை காப்பாற்றிய ஸ்டண்ட் நடிகர்
சினிமா வசூலை வைத்து பிழைப்பு நடத்துகிறார்கள் - கார்த்திக் சுப்புராஜ் காட்டம்
ரஜினிகாந்த் மகள் சவுந்தர்யாவுக்கு 2-வது திருமணம் - வருகிற 11-ந்தேதி நடக்கிறது
வதந்திக்கு முற்றுப்புள்ளி வைத்த இயக்குனர் ஏ.ஆர்.முருகதாஸ்
மறுமண அழைப்பிதழை திருப்பதி கோவிலில் வைத்து ரஜினி மனைவி, மகள் தரிசனம்








About Tamil Star, Tamil movies, Tamil Actors, Tamil Actresses, Tamil Cinema & Kollywood
© Copyright Tamil Star Inc, 1999-2019. All rights reserved. Entertainment and Information Portal, TamilStar.com  Privacy Policy | Terms & Conditions