தமிழ் சினிமாவின் முன்னணி நடிகராக வலம் வருபவர் தளபதி விஜய். இவரது நடிப்பில் வெளியான பீஸ்ட் திரைப்படத்தை தொடர்ந்து தற்போது வம்சி இயக்கத்தில் உருவாகி வரும் வாரிசு படத்தில் நடித்து வருகிறார்.
எக்கச்சக்கமான திரையுலக பிரபலங்கள் இணைந்து நடித்துவரும் இந்த படம் தமிழ், தெலுங்கு என இரண்டு மொழிகளில் உருவாகி வருகிறது. இந்த படத்தை தொடர்ந்து தளபதி விஜய் அடுத்ததாக லோகேஷ் கனகராஜ் இயக்கத்தில் உருவாக உள்ள படத்தில் நடிக்க உள்ளார். கிட்டத்தட்ட 90% சதவீதம் உறுதியாகி உள்ள இந்த கூட்டணியின் அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
இந்த நிலையில் இந்த படத்தில் வில்லனாக பிரபல இயக்குனர் கௌதம் மேனன் நடிக்க இருப்பதாக தகவல் கிடைத்துள்ளது. ஏற்கனவே நடிகர் அர்ஜுன் மன்சூர் அலிகான் வில்லனாக நடிக்க இருப்பதாக தகவல் வெளியானது தொடர்ந்து தற்போது கௌதம் மேனன் அவர்களின் பெயரும் அடிபடுகிறது.
