Tamilstar
News Tamil News சினிமா செய்திகள்

பிரபல நடிகரின் மகளுடன் விஜய் தேவரகொண்டா காதல்?

Vijay Devarakonda in love with famous actor's son

தெலுங்கில் வெளியான அர்ஜுன் ரெட்டி படத்தின் மூலம் பிரபலமானவர் விஜய் தேவரகொண்டா. அந்த படத்தை தொடர்ந்து கீதா கோவிந்தம், டாக்சிவாலா, நோட்டா, டியர் காம்ரேட் உள்ளிட்ட படங்களில் நடித்து வெற்றி நாயகனாக வலம் வருகிறார். தற்போது பாலிவுட் படங்களிலும் நடித்து வருகிறார்.

நடிகர் விஜய் தேவரகொண்ட அவ்வப்போது காதல் சர்ச்சைகளிலும் சிக்குவதுண்டு. ஏற்கனவே நடிகை ராஷ்மிகா மந்தனாவை அவர் காதலிப்பதாக பரபரப்பாக பேசப்பட்டது. இருப்பினும் இதனை இருவரும் திட்டவட்டமாக மறுத்தனர்.

இந்நிலையில், தற்போது நடிகர் விஜய் தேவரகொண்டா, பிரபல நடிகரின் மகளை காதலிப்பதாக தகவல் பரவி வருகிறது. இந்தி நடிகர் சயீப் அலிகான் மகளும், நடிகையுமான சாரா அலிகானுக்கும், விஜய்தேவரகொண்டாவுக்கும் காதல் மலர்ந்துள்ளதாக தகவல் பரவி வருகிறது.

மேலும் விஜய்தேவரகொண்டாவுடன் நெருக்கமாக எடுத்த செல்பி புகைப்படத்தை நடிகை சாரா அலிகான் சமீபத்தில் பகிர்ந்திருந்தார் என்பது குறிப்பிடத்தக்கது. ஏற்கனவே நடிகை சாரா அலிகான், மறைந்த நடிகர் சுஷாந்த் சிங், இந்தி நடிகர் கார்த்திக் ஆர்யன் ஆகியோரை காதலித்து பின்னர் காதலை முறித்துக்கொண்டதாக கூறப்படுகிறது.