Tamilstar
News Tamil News சினிமா செய்திகள்

ஜி.வி.பிரகாஷுக்கு ஜோடியாகும் விஜய் சேதுபதி பட நடிகை

Vijay Sethupathi film actress paired with GV Prakash

பரத் நடித்த கூடல்நகர் படம் மூலம் இயக்குனராக அறிமுகமானவர் சீனு ராமசாமி. இதையடுத்து இவர் இயக்கிய தென்மேற்கு பருவக்காற்று திரைப்படம் தேசிய விருது பெற்றது. பின்னர் நீர்ப்பறவை, தர்மதுரை, கண்ணே கலைமானே என வித்தியாசமான கதையம்சம் கொண்ட படங்களை இயக்கி முன்னணி இயக்குனராக உயர்ந்தார்.

இவர் இயக்கத்தில் உருவாகி உள்ள இடம் பொருள் ஏவல், மாமனிதன் ஆகிய படங்கள் ரிலீசுக்கு தயாராகி வரும் நிலையில், அடுத்ததாக ஜி.வி.பிரகாஷுடன் கூட்டணி அமைக்க உள்ளதாக இயக்குனர் சீனு ராமசாமி சமீபத்தில் அறிவித்திருந்தார்.

இந்நிலையில், இப்படத்தில் ஜி.வி.பிரகாஷுக்கு ஜோடியாக நடிகை காயத்ரி நடிக்க உள்ளதாக தகவல் வெளியாகி உள்ளது. இவர் இப்படத்தில் நர்ஸாக நடிக்க உள்ளதாக கூறப்படுகிறது. நடிகை காயத்ரி ஏற்கனவே சீனு ராமசாமி இயக்கத்தில் விஜய் சேதுபதிக்கு ஜோடியாக ‘மாமனிதன்’ படத்தில் நடித்துள்ளார். இப்படம் இன்னும் ரிலீசாகவில்லை என்பது குறிப்பிடத்தக்கது.