தமிழ் சினிமாவில் திரைக்கதை ஆசிரியர், நடிகர் என பன்முக திறமைகளோடு வலம் வருபவர் மணிகண்டன்.
இவரது நடிப்பில் வெளியான குட் நைட் திரைப்படம் மிகப்பெரிய வெற்றியை பெற்றது. அதேபோல் ஜெய் பீம் படத்தில் இவரது நடிப்பு பெரிதும் பாராட்டுக்களை பெற்றது.
இப்படி தொடர்ந்து நல்ல நல்ல கதைகளாக தேர்வு செய்து மணிகண்டன் நடிப்பில் ஸ்கோர் செய்து பலரின் கவனத்தை ஈர்த்து வரும் நிலையில் அடுத்ததாக இயக்குனர் அவதாரம் எடுக்க இருப்பதாக தகவல் வெளியாகி உள்ளது.
ஆமாம் நடிகர் விஜய் சேதுபதி சந்தித்து ஒரு கதையை கூறியதாகவும் அந்த கதை அவருக்கும் பிடித்து விட தற்போது கதையை வடிவமைக்கும் காலத்தில் இறங்கி இருப்பதாகவும் தெரியவந்துள்ளன. விரைவில் இந்த படம் குறித்து அறிவிப்பு வெளியாகும் எனவும் எதிர்பார்க்கப்படுகிறது.
விஜய் சேதுபதி நடிப்பில் வெளியாகி மாபெரும் வெற்றியை பெற்ற விக்ரம் வேதா படத்திற்கு வசனம், திரைக்கதை அமைத்தவர் மணிகண்டன் தான் என்பது குறிப்பிடத்தக்கது.