“இயக்குனர் ராஜு முருகன் இயக்கத்தில் நடிகர் கார்த்தி கதாநாயகனாக நடித்துள்ள திரைப்படம் ‘ஜப்பான்’. இதில் கதாநாயகியாக ‘துப்பறிவாளன்’, ‘நம்மவீட்டு பிள்ளை’ போன்ற படங்களில் நடித்த அனு இமானுவேல் நடித்துள்ளார். இப்படத்திற்கு ஜி.வி.பிரகாஷ் இசையமைக்க ட்ரீம் வாரியர் பிக்சர்ஸ் தயாரித்துள்ளது. ‘ஜப்பான்’ திரைப்படம் தீபாவளியன்று திரையரங்குகளில் வெளியாகவுள்ளது. இதையடுத்து இப்படத்தின் இசை வெளியீட்டு விழா நேற்று நடைபெற்றது.
இதில் திரைப்பிரபலங்கள் பலர் கலந்து கொண்டனர். இந்த நிகழ்ச்சியில் கலந்து கொண்ட இயக்குனர் லோகேஷ் கனகராஜ், \”எனக்கு கைதி திரைப்படம் மிகப்பெரிய ‘game changing’ திரைப்படமாக அமைந்தது. அதற்கு முக்கியமான ஒரு நபர் கார்த்தி சார்தான். அவருடைய இந்த நிகழ்ச்சியில் கலந்து கொள்வதில் மகிழ்ச்சி. ‘கைதி’ திரைப்படம் 5 வருடத்திற்கு முன்பு எழுதியதால் அதில் எதுவும் திணிக்க விரும்பவில்லை. ‘கைதி 2’ strong-ஆ இருக்கும்\” என்று பேசினார்.”,
