கோலிவுட் திரையுலகில் முக்கிய நடிகராக விளங்கி வருபவர் நடிகர் அஜித்குமார். இவர் துணிவு திரைப்படத்தின் மாபெரும் வரவேற்பை தொடர்ந்து தனது 62 ஆவது திரைப்படமாக விடாமுயற்சி படத்தில் நடிக்க இருக்கிறார். இப்படத்தை லைக்கா நிறுவனத்தின் தயாரிப்பில் மகிழ்த்திருமேனி இயக்க இருக்கிறார். அனிருத் இசையமைப்பில் உருவாக இருக்கும் இப்படம் குறித்து அதிகாரபூர்வமான அறிவிப்பு சமீபத்தில் வெளியானதை தொடர்ந்து இப்படத்தில் கதாநாயகியாக நடிகை திரிஷா நடிக்க இருப்பதாக தகவல் வெளியாகி உள்ளது.
விரைவில் இது குறித்த அறிவிப்பு வெளியாகும் என்று எதிர்பார்க்கப்படும் நிலையில் இப்படம் குறித்த அடுத்தடுத்த தகவல்களுக்காக ரசிகர்கள் ஆவலுடன் காத்துக் கொண்டிருக்கின்றனர். இந்த நிலையில் அனைவரும் எதிர்பார்த்தபடி இப்படத்தின் புதிய அப்டேட்டாக விடாமுயற்சி படத்தின் படப்பிடிப்பு புனேவில் இந்த வாரம் தொடங்க இருப்பதாகவும் விரைவில் இப்படத்தில் நடிக்கும் நடிகர், நடிகைகள் குறித்த அதிகாரபூர்வமான அறிவிப்புகள் வெளியாகும் என்று லேட்டஸ்ட் தகவல் வெளியாகி ரசிகர்களை உற்சாகப்படுத்தி ட்ரெண்டிங்காகி வருகிறது.
